Ордэна Маці ўдастоены 27 шматдзетных жанчын Мінскай вобласці

За бязмежную любоў, штодзённы клопат і шматдзетнае шчасце - дзяржаўная ўзнагарода.

1 жніўня - ордэна Маці ўдастоены 27 жанчын з Мінскай вобласці. Урачыстасць у Палацы Рэспублікі аб'яднала прадстаўніц 9 раёнаў.

Узнагароджанне шматдзетных жанчын з Мінскай вобласці

Нашы жанчыны - увасабленне мудрасці, працавітасці і бязмежнай любові. Калі падлічыць, то на ўсіх сённяшніх гераінь прыпадае 136 дзяцей. Але справа нават не ў колькасці, а ў самаадданым і штодзённым бацькоўскім клопаце.

Многія мамы ствараюць свае вялікія сем'і па прыкладзе бацькоўскіх, у якіх выраслі самі.

Нагадаем, традыцыі ўручаць ордэн - сімвал матчынай доблесці і гонару - 29 гадоў. За гэты час толькі ў Мінскай вобласці больш за 2600 гераінь з высокай дзяржаўнай узнагародай.