Перамагаем разам! Прэзідэнцкаму спартыўнаму клубу - 20 гадоў

Дапамагчы пераадолець няпросты шлях да поспеху, увасобіць мару і выгадаваць будучых чэмпіёнаў - гэта прыярытэтныя задачы Прэзідэнцкага спартыўнага клуба, грамадскага аб'яднання, якое сёння святкуе 20-гадовы юбілей. З юбілеем калектыў павіншаваў Прэзідэнт.

За гэты час зроблена шмат. Падтрымка перспектыўных атлетаў і маладых трэнераў у рамках праекта "Стыпендыі" дапамагае дасягнуць жаданых вынікаў на арэнах, стадыёнах і дарожках. Дзясяткі турніраў для дзяцей і падлеткаў запальваюць у хлапчуках і дзяўчынках любоў да спорту.

Яшчэ адным з вектараў работы клуба з'яўляецца прыцягненне да заняткаў фізічнай культурай звычайных беларусаў. Паўсюдна - у малых гарадах і пасёлках - адкрываюцца шматфункцыянальныя пляцоўкі, дзе розныя актыўнасці даступныя кожнаму і кругласутачна.

У юбілейны год праект "Спорт для ўсіх" адкрыўся ў новым фармаце. Усё лета ў сталіцы па выхадных на пяці пляцоўках у парках і скверах можна займацца рознымі актыўнасцямі разам (гл. у відэа).