Прадстаўнікі БРСМ напярэдадні 8 Сакавіка віншавалі ветэранаў

Напярэдадні 8 Сакавіка жанчыны ўжо прымаюць віншаванні ад сваіх калег. А ў маладога пакалення - асаблівая задача - удзяляць увагу жанчынам-ветэранам. Прадстаўнікі Саюза моладзі з кветкамі і падарункамі наведалі Лілію Зімоўскую.

Блакадніца Ленінграда 23 лютага адсвяткавала 90-гадовы юбілей. У свой узрост яна не верыць і не адчувае яго, а пра вайну ўспамінае са слязамі на вачах. Паўтарыцца такое больш не павінна.

"З кожным годам ветэранаў становіцца ўсё менш, і наша галоўная задача, каб ветэраны маглі распавесці пра тыя страшныя гістарычныя падзеі, каб наша моладзь не толькі з падручнікаў і фільмаў гэта даведвалася, але і з першых вуснаў. Сёння мы звяртаем увагу, што моладзь сама праяўляе ініцыятыву ў наведванні ветэранаў, - адзначыў першы сакратар Мінскага гарадскога камітэта БРСМ Раман Бандарук.