Праспяваем гімн разам! Эпіцэнтрам запеву стане стэла "Мінск - горад-герой"

Тое, што адбываецца ля стэлы "Мінск - горад-герой", прымушае сэрцы біцца ва ўнісон. Стэла - той самы камертон для кожнага ўдзельніка ўсебеларускай патрыятычнай акцыі "Праспяваем гімн разам!"

Незалежнасць - гэта, безумоўна, сінонім шчасця. Незалежнасць - у кожнай ноце, на сцэне выключна айчынная музыка, толькі беларускія артысты.

Маляўнічы канцэрт пад адкрытым мірным небам асабліва каштоўны, калі ўспомніць, што Мінск у гады Вялікай Айчыннай знаходзіўся пад акупацыяй 1100 дзён. Подзвіг народа загартаваўся ў сталі, бетоне, мармуры - у стэле "Мінск - горад-герой". Сімвалічныя сустрэчы тут праходзяць ужо паўстагоддзя. І як "У бітвах за волю, бітвах за долю. Свой здабывалі сцяг перамог!" - спяваем разам, усёй краінай з 2007-га - гэта наш маніфест. Наша заява ўсяму свету.

Нагадаем, што патрыятычная акцыя сёння аб'яднае сапраўды кожнага ад Камарына да Браслава, ад Клімавіч ад Астраўца. У першай акцыі спявала 620 тыс. беларусаў. 3 ліпеня паставім новы рэкорд. "Вечная жыві і квітней, Беларусь" прагучыць малітвай ужо ў 22:55!