Прайшлі ЦЭ і ЦТ па беларускай і рускай мовах

У выпускнікоў працягваецца марафон выніковых выпрабаванняў. 29 мая здавалі ЦТ і другі ЦЭ па беларускай і рускай мовах.

Кантралюе ход уступнай кампаніі і сочыць за стварэннем камфортных і бяспечных умоў дзяржкамісія.

Сёлета выпускнікам забаронена выкарыстоўваць гаджэты. Таксама выключылі прысутнасць у аўдыторыі педагогаў-прадметнікаў. Усё гэта для прынцыпу аб'ектыўнасці і роўнага доступу.

Прымаць абітурыентаў у шэрагі студэнтаў трэба па іх ведах і ўзроўні падрыхтоўкі - менавіта на гэта арыентуе Прэзідэнт Беларусі.

Найбольш запатрабаваны прадмет - руская мова. Яе выбралі больш за 46 тыс. чалавек, а тэст па беларускай мове - каля 10 тыс.