Стала вядома, колькі абітурыентаў прымуць беларускія ВНУ ў новым навучальным годзе

У Беларусі зацверджаны план прыёму ў ВНУ на 2025 год: больш за 48 тыс. абітурыентаў змогуць паступіць на бюджэт і платнае навучанне. Аб гэтым распавялі профільныя спецыялісты падчас прэс-канферэнцыі.

Зусім хутка выпускнікі беларускіх школ і гімназій увойдуць у самую галоўную стадыю ўступнай кампаніі - здача ЦТ і ЦЭ і потым ужо паступленні ў ВНУ. І ўсюды ёсць свае нюансы. Але пачнём з лічбаў. Як раней было заўважана, у 2025 годзе ўніверсітэты краіны прымуць у сябе больш за 48 тыс. абітурыентаў. З іх амаль 32 тыс. вылучана для бюджэтных месцаў, гэта на 400 больш, чым летась. Астатнія - каля 16 тыс. - для платнікаў. Больш за ўсё месцаў вылучана для будучых педагогаў, медыкаў, аграрыяў і інжынераў.

У апошнія гады сярод беларускай моладзі асабліва запатрабаваныя інжынерныя спецыяльнасці. Таму ў школах год назад былі адкрыты такія профільныя класы. І сёлета школы і гімназіі выпускаюць першы паток - гэта амаль 2,5 тыс. чалавек. У гэтай уступнай кампаніі ў іх ёсць вялікі бонус - яны могуць паступаць без эузаменаў ва ўсе тэхнічныя ВНУ краіны. Але і тут ёсць свае нюансы.

У 2025 годзе абітурыентаў чакае яшчэ некалькі прыемных навін. Па-першае, з'явяцца новыя спецыяльнасці, і больш за ўсё - у БДУ. Па-другое, падаць дакументы стане прасцей: выпускнікі змогуць забраніраваць зручны час анлайн у асабістым кабінеце на сайце РІКВ. Выпускнік можа падаць дакументы адразу ў некалькі ВНУ, але толькі выбраўшы адну групу спецыяльнасцяў.

Для тых, хто аддае перавагу традыцыйнаму спосабу, захаваецца такая магчымасць падаць дакументы ў парадку жывой чаргі.