Стыхія пакуль не адступае. У Беларусі аб'яўлены аранжавы ўзровень небяспекі

Стыхія не хоча адступаць. 11 ліпеня на большай частцы Беларусі чакаюцца навальніцы, месцамі з моцнымі ліўнямі і градам, а таксама шквалісты вецер парывамі 15-20 метраў за секунду, у асобных раёнах - да 24 метраў за секунду.

Магчымы зніжэнне бачнасці і цяжкасці з рухам транспарту, парушэнне энергазабеспячэння, пашкоджанне ліній электраперадачы, слаба ўмацаваных канструкцый і дахаў, а таксама падзенне дрэў і падтапленне вуліц і двароў.

Ратавальнікі рэкамендуюць па магчымасці заставацца ў памяшканнях. Машыну пажадана паставіць у гараж або паркаваць удалечыні ад дрэў і слаба ўмацаваных канструкцый.