Свята ў "Зубронку" наведалі тытулаваныя беларускія спартсмены

11 ліпеня для ўдзельнікаў форуму "Дзеці Садружнасці" арганізавана спартыўнае свята ў "Зубронку". Дзеці паўдзельнічалі ў спартыўных спаборніцтвах і забавах, падзяліўшыся на інтэрнацыянальныя каманды, у кожнай з якой было па адным прадстаўніку ад дэлегацый (усяго ў форуме ўдзельнічае 8 краін). Сапернічалі ў міні-футболе, баскетболе, пляжным валейболе і настольным тэнісе.

Таксама для ўдзельнікаў форуму ў межах дыялогавай пляцоўкі арганізавалі сустрэчу з тытулаванымі беларускімі спартсменамі. Браты Багдановічы, Кацярына Карстэн, Андрэй Стась, Сяргей Рутэнка і Дзмітрый Баскаў актыўна адказвалі на пытанні аб пачатку кар'еры, цяжкасцях на спартыўным шляху, дзяліліся асабістымі гісторыямі і нават давалі парады на практыцы.

Адведзенага на дыялогавую пляцоўку часу не хапіла, дзеці яшчэ доўга не адпускалі гасцей. Размовы ішлі ўжо ў кулуарах, раздаваліся аўтографы, а таксама былі зроблены фота на памяць. Дзецям будзе аб чым распавесці пасля вяртання дахаты.