Святочныя мерапрыемствы ў Віцебску прайшлі на плошчы Перамогі

У кожным рэгіёне Беларусі Дзень Незалежнасці сустрэлі з асаблівым трапятаннем. У Віцебску асноўнай пляцоўкай урачыстасцяў стала плошча Перамогі. Тысячы жыхароў і гасцей горада прыйшлі на гэта знакавае месца, каб павіншаваць адзін аднаго са святам.

Увесь дзень напоўнены яркімі момантамі. Гэта і канцэрты, і інтэрактыўныя прасторы ўзаемадзеяння для ўсёй сям'і.

Сонечнае надвор'е на поўначы краіны стала яшчэ адной прычынай, каб па-сямейнаму правесці час на святочных гарадскіх лакацыях. Лепшыя творчыя калектывы Віцебскай вобласці падрыхтавалі музычныя віншаванні. Шматлюдна ў горадзе, на плошчы Перамогі праходзіць вячэрні гала-канцэрт.

Ля мемарыяла ў гонар савецкіх воінаў, партызан і падпольшчыкаў беларусы падзякавалі ўсім, хто цаной жыцця падарыў мір, магчымасць гадаваць дзяцей і развівацца. Да Вечнага агню ляглі жывыя кветкі.

Яркім момантам стаў аўтапрабег "За моцную і квітнеючую Беларусь". У маршруце - знакавыя месцы абласнога цэнтра.

Зараз і ўявіць складана: на момант вызвалення ад нямецка-фашысцкіх захопнікаў горад ляжаў у руінах. Яго адбудоўвалі практычна з нуля. Гэты подзвіг памятаюць беларусы і ведаюць цану незалежнасці.

Аляксандр Субоцін, старшыня Віцебскага аблвыканкама:

"Самы дарагі падарунак - гэта мірнае неба, тое, што нам нашы дзяды і прадзеды пакінулі. Глядзіце, колькіх людзей, глядзіце, колькі ўсмешак, колькі дзетак. Я думаю, гэта самае галоўнае - гэта заяўка на мір і на мірнае існаванне далейшае".

Інтэрактыўныя пляцоўкі - для ўсёй сям'і. І нават самым актыўным і крэатыўным знайшлася забаўка па душы.

Свята ў Віцебску працягваецца. Горад на Заходняй Дзвіне ў прадчуванні кульмінацыі, каб разам з усёй краінай праспяваць гімн і палюбавацца маляўнічым феерверкам.