Ці зменіцца кошт навучання ў беларускіх ВНУ?

Кошт навучання ў беларускіх ВНУ застаецца ранейшым. Павышэння сёлета не плануецца, паведамілі ў Мінадукацыі. Сярэдняя цана - у раёне 4 тыс. рублёў за навучальны год, у вядучых ВНУ - ад 4,5 тыс. Падрабязна пра кошт навучання можна даведацца на сайце ўніверсітэтаў. Таксама ў ведамстве адзначылі, што ў новым навучальным годзе на платнае аддзяленне гатовыя прыняць да 16,5 тыс. чалавек. Большая колькасць месцаў на спецыяльнасці, звязаныя з эканомікай і IT.

12 ліпеня стартуе асноўны этап уступнай кампаніі. Прыём дакументаў для абітурыентаў, якія плануюць паступаць на бюджэт, праходзіць да 17 ліпеня, для платнікаў - да 1 жніўня.