Турчын уручыў ордэн Маці шматдзетным жыхаркам Мінскай вобласці

Цёплыя словы і шчырыя віншаванні рыхтуем для самых родных людзей - нашых мам. Больш за чвэрць стагоддзя 14 кастрычніка ў Беларусі - у статусе святочнага дня.

Сямейныя каштоўнасці і падтрымка шматдзетных у нашай краіне - у аснове дзяржаўнай палітыкі. Подзвіг мацярынства адзначаюць высокімі дзяржузнагародамі.

11 кастрычніка ў Палацы Рэспублікі праходзіць цырымонія ўзнагароджання жанчын з Мінскай вобласці, якія нарадзілі і выхоўваюць мінімум пецярых дзяцей.

У прадчуванні аднаго з самых добрых і кранальных святаў - Дня маці - у Мінскай вобласці ўшаноўваюць жанчын, якія гадуюць шматдзетнае шчасце як мінімум у пяціразовым памеры. 11 кастрычніка 24 гераіні ўдастоены ордэна за подзвіг мацярынства.