У Беларусі адзначаюць Дзень біялагічнай разнастайнасці

"Гармонія з прыродай і ўстойлівае развіццё" - пад такім дэвізам у 2025 годзе праходзіць Дзень біялагічнай разнастайнасці, які адзначаецца 22 мая.

У Беларусі гэта адзін з прыярытэтных напрамкаў палітыкі ў галіне экалогіі. Рэдкія віды жывёл знаходзяцца пад абаронай не толькі розных стратэгій, але і Чырвонай кнігі. У яе, дарэчы, уключаны новыя віды жывёл і раслін, і зараз ахоўваецца больш чым 500 відаў. Асаблівая ўвага надаецца барацьбе з раслінамі, якія пагражаюць беларускай флоры і фаўне.

"У цяперашні час нацыянальным заканадаўствам у галіне абыходжання з аб'ектамі расліннага і жывёльнага свету вызначаны пералікі інвазіўных відаў, а таксама ўведзена забарона на рассяленне інвазіўных чужародных відаў жывёл, іх інтрадукцыю, рэінтрадукцыю, скрыжаванне, утрыманне, вырошчванне такіх відаў у няволі", - расказала начальнік упраўлення Міністэрства прыродных рэсурсаў і аховы навакольнага асяроддзя Беларусі Таццяна Жалязнова.

У краіне таксама актыўна ідуць работы па азеляненні. У Год добраўпарадкавання будзе высаджана звыш 390 тыс. дрэў і больш за 460 тыс. кустоў. Акрамя таго будуць разбіты газоны на плошчы больш як 400 гектараў. І ўжо за першыя чатыры месяцы рэалізавана звыш траціны ўсіх планаў. Дарэчы, за 5 гадоў гарады і сёлы краіны сталі на 40 % зелянейшыя.