У Беларусі да абагравальнага сезона выдадзена каля 30 % пашпартоў гатоўнасці

У Беларусі ідзе падрыхтоўка да абагравальнага сезона, і ўжо выдадзена каля 30 % пашпартоў гатоўнасці спажыўцам цеплавой энергіі.

Усяго па краіне 28,8 тыс. спажыўцоў і каля 10 тыс. ведамасных цеплакрыніц.

Лідарамі па колькасці зарэгістраваных пашпартоў з'яўляюцца Магілёўская і Гомельская вобласці. Работы вядуцца па ўсіх ключавых напрамках: ад замены і рамонту кацельняў да нарыхтоўкі паліва. Кантроль за ходам работ ажыццяўляецца штомесяц.

Усе работы па падрыхтоўцы да абагравальнага сезона вядуцца строга ў адпаведнасці з зацверджанымі графікамі. На сённяшні дзень выканана больш за 50 % работ. Аб'екты ЖКГ да работы ў восеньска-зімовы перыяд будуць поўнасцю гатовы ў тэрмін.