У Беларусі хочуць увесці псіхалагічнае тэсціраванне педагогаў. Каго закране новаўвядзенне?

У Беларусі плануюць увесці псіхалагічнае тэсціраванне педагогаў. Гэта прадугледжана папраўкамі ў закон аб правах дзяцей, якія падтрымалі дэпутаты.

Парадак правядзення працэдуры вызначыць Савет Міністраў, ужо створана і рабочая група. Тэсціраваць настаўнікаў будуць як медыцынскія работнікі, так і педагогі-псіхолагі. Навацыя закране не ўсіх - у першую чаргу тых, каго прымаюць на работу з дзецьмі, а таксама тых, каму падаўжаюць працоўныя адносіны.

Сярод іншых навацый - абавязак бацькоў забяспечыць абарону свайго дзіцяці ад негатыву ў інтэрнэце. Мінадукацыі заклікае бацькоў выкарыстоўваць спецыяльныя праграмныя прадукты.