У Беларусі падвялі вынікі асноўных дзён цэнтралізаваных экзаменаў і тэсціравання

У Беларусі падведзены вынікі асноўных дзён цэнтралізаваных экзаменаў і тэсціравання. Абітурыенты ў 2025 годзе паказалі высокі ўзровень ведаў, пацвердзіўшы свае школьныя адзнакі.

Ёсць і тыя, хто справіўся на ўсе 100. Сумарна максімальны бал па двух ЦЭ атрымаў 1601 выпускнік. Больш за ўсё рэкардсменаў па рускай мове і матэматыцы.

Тэставыя заданні па цэнтралізаваным тэсціраванні на 100 балаў здаў 981 абітурыент. У лідарах матэматыка і замежныя мовы, але таксама высокія вынікі маладыя людзі паказалі па фізіцы, хіміі і грамадазнаўстве.

Больш за 400 выпускнікоў здалі цэнтралізаванае тэсціраванне па ўсіх прадметах у першы рэзервовы дзень. Яшчэ столькі ж абітурыентаў плануюць здаць ЦТ і ЦЭ 21 чэрвеня па профільных прадметах, 23-га - па дзяржаўных мовах.