У Беларусі стартаваў прыём дакументаў у першыя класы

У Беларусі стартаваў прыём дакументаў у першыя класы. Кампанія прадоўжыцца да 15 жніўня.

Дакументы ад бацькоў, чые дзеці пражываюць у мікрараёне школы, прымаюцца ў прыярытэтным парадку, а ад астатніх - з 12 чэрвеня па 15 жніўня. Камісія працуе кожны будны дзень, а таксама па суботах, каб забяспечыць максімальную зручнасць для бацькоў.

Для падачы дакументаў у першы клас неабходна напісаць заяву, падаць меддаведку ўстаноўленага ўзору і пасведчанне аб нараджэнні дзіцяці.

Прыём дакументаў на свабодныя месцы будзе здзяйсняцца з 16 па 28 жніўня. Залічэнне будзе адбывацца ў парадку чаргі.