У Мінадукацыі Беларусі расставілі акцэнты выніковай атэстацыі. Распавядзём, што з новаўвядзенняў

Школьнікі вызначыліся з прадметамі цэнтралізаванага экзамену, а Міністэрства адукацыі - з месцамі правядзення. Іх, як і летась, будзе 144. З новаўвядзенняў - забаронена карыстацца мабільным тэлефонам, прыладамі фота- і відэафіксацыі не толькі ў аўдыторыі, але і ў іншых памяшканнях пункта. Здаць гаджэт можна на ўваходзе і забраць ужо пасля іспыту. Пры гэтым дазволена пранесці прылады, калі таго патрабуюць медыцынскія паказанні.

Размова аб прыборах, якія, напрыклад, кантралююць узровень цукру ў крыві, сардэчны рытм. Традыцыйна зайсці ў пункт здачы ЦЭ можна будзе толькі па дакуменце, які сведчыць асобу.

Таксама будзе арганізаваны падвоз навучэнцаў да месцаў правядзення ЦЭ. Маршруты складзены. У Міністэрстве адукацыі ўлічылі нараканні наконт доўгага чакання перад пачаткам іспыту. Час адкарэктавалі.

Цэнтралізаваны іспыт сёлета пройдзе 26 і 29 мая. Рэзервовыя дні - 21 і 23 чэрвеня, а таксама 18 і 20 жніўня.