У Нацыянальным парку "Белавежская пушча" павялічылася колькасць зуброў

У Нацыянальным парку "Белавежская пушча" павялічылася пагалоўе зуброў, паведамляе БЕЛТА са спасылкай на парк.

У парку завяршылі ўлік зуброў, які праводзіўся ў студзені-сакавіку.

Дарослых самцоў (старэйшых за 3,5 года) зарэгістравана 132, дарослых самак - 378, маладняка (1,5 - 3,5 года) - 127 асобін, цялят 2024 года нараджэння - 89. У зімовы перыяд зубры рэгістраваліся на тэрыторыі Свіслацкага, Пружанскага і Камянецкага раёнаў Брэсцкай вобласці.