Прыбраць смецце і асколкі шкла. Супрацоўнікі Асвода чысцяць акваторыі да купальнага сезона

Гатоўнасць да аквасезона. Супрацоўнікі Асвода Мінскай вобласці і сталічных выратавальных станцый займаюцца ачысткай акваторый. Уваходы ў ваду ў самых папулярных месцах адпачынку павінны быць бяспечнымі.

Таму вадалазы апускаюцца на глыбіню да 2 метраў, каб падняць смецце і асколкі шкла пасля зімы.

Час прыводзіць у парадак акваторыі. У цэнтральным рэгіёне і на вадасховішчах Мінска вадалазы чысцяць дно вадаёмаў і рыхтуюць бяспечныя ўваходы ў ваду. Апускаюцца па некалькі разоў на дзень, каб падняць на паверхню ўсё, што можа справакаваць траўміраванне.

Ачыстку праводзяць у папулярных месцах адпачынку і побач з выратавальнымі станцыямі. У гэтых лакацыях ратавальнікі даюць гарантыю на бяспечны ўваход у ваду. Абсталяванне падчас акваклінінгу выкарыстоўваюць такое ж, як пры выратаванні чалавека на глыбіні: вадалазны касцюм, грузы і кіслародныя балоны.

Апускаюцца на глыбіню да двух метраў. Пошук небяспечных прадметаў часта даводзіцца выконваць навобмацак. Гэтую зону пасля ачысткі абмяжуюць буйкамі. Працуюць у пары, вадалаза заўсёды страхуе другі выратавальнік на беразе.

З дня на дзень стартуе сезон актыўнага купання. Надвор'е спрыяе. Таму ратавальнікі пераходзяць на ўзмоцнены рэжым працы, усталёўваюць сезонныя мабільныя выратавальныя пасты на пляжах, пачынаюць прафілактычную працу з насельніцтвам.

Асаблівую ўвагу Асвод рэкамендуе бацькам надаць бяспецы сваіх дзяцей. Адпускаць непаўналетніх да вады без нагляду строга забаронена.