Увага! Ашуканцы пад выглядам ДАІ рассылаюць фэйкавыя штрафы за парушэнні ПДР

У МУС Беларусі паведамілі аб новым выглядзе махлярства. Аферысты зараз дзейнічаюць пад выглядам Дзяржаўтаінспекцыі. Прысылаюць беларусам паведамленні на месенджары аб перавышэнні хуткасці. Парушэнне нібыта зафіксавана мультырадарам. Але такога тэхнічнага сродку проста не існуе.

У паведамленні пазначаны даныя вадзіцеля, нумар пастановы, сума штрафу. І спасылка, па якой можна аплаціць запазычанасць. Пройдучы па ёй, вы даяце доступ да сваіх рахункаў і пазбаўляецеся грошай.

У МУС нагадваюць: абвесткі аб аўтапарушэннях прыходзяць толькі праз SMS. Месенджары ДАІ не выкарыстае!