Віншаванні і падзяка людзям высакароднай прафесіі: у Беларусі адзначаюць Дзень настаўніка

У Беларусі - сёння асаблівы дзень. Краіна адзначае Дзень настаўніка. Гэта ганаровае званне носяць каля 114 тысяч чалавек. Са святам педагагічных працаўнікоў павіншаваў Прэзідэнт.

Цёплыя словы ўдзячнасці і падзякі за архіважную, неацэнную працу педагогі па ўсёй краіне атрымліваюць на працягу ўсяго тыдня. Напярэдадні прафесійнага свята ў сталіцы лепшых з лепшых адзначылі заслужанымі ўзнагародамі.

Сусветны паказчык: на аднаго настаўніка - 25 навучэнцаў. У нашай краіне на працягу некалькіх гадоў паказчык на ўзроўні 10-11 вучняў. Кожны навучэнец мае роўны доступ да якаснай адукацыі незалежна ад месца пражывання.

І вось партрэт сярэднестатыстычнага настаўніка ў Беларусі: гэта жанчына з вышэйшай адукацыяй, з вышэйшай або першай кваліфікацыйнай катэгорыяй і стажам працы больш як 15 гадоў. Сярэдні ўзрост - 43 гады.

Большасць выкладчыкаў філалогіі - традыцыйна жанчыны. Часцей за ўсё яны выкладаюць рускую мову. Мужчыны - за спорт: іх прадмет - фізкультура. А амаль 6 % настаўнікаў - маладыя спецыялісты.