Вынікі ЦЭ па мовах: 979 навучэнцаў атрымалі 100-бальны вынік

9 чэрвеня беларускія школьнікі даведаліся свае вынікі цэнтралізаванага экзамену па дзяржаўных мовах.

Нагадаем, у ЦЭ усяго ўзялі ўдзел больш як 56 тыс. абітурыентаў. З іх каля 46 тыс. пісалі тэсты па рускай мове, амаль 11 тыс. - па беларускай.

У Мінадукацыі адзначылі, што навучэнцы паказалі добрыя вынікі, а высокія ацэнкі суадносяцца з гадавымі школьнымі адзнакамі. Максімальныя 100 балаў атрымалі 979 навучэнцаў: 715 па рускай мове, 264 - па беларускай. Адзін выпускнік не справіўся з заданнямі і атрымаў у выніку нулявы вынік.

Выпускнікі, якія па паважлівай прычыне не змаглі прыняць удзел у ЦЭ, могуць гэта зрабіць у рэзервовыя дні - 21 і 23 чэрвеня. Рэгістрацыя на іх ужо пачалася з 9 чэрвеня і прадоўжыцца па 12 чэрвеня ўключна.