Як жыхары Мінска могуць дапамагчы работнікам ЖКГ навесці парадак на прысядзібных тэрыторыях

Месяц добраўпарадкавання і азелянення стартаваў 17 сакавіка ў Мінску. У спецыялістаў ЖКГ распрацаваны маштабныя планы па навядзенні парадку ў мегаполісе.

У планах стаіць комплексны рамонт больш за 1 тыс. прысядзібных тэрыторый. Жыхарам прапануюць далучыцца да суботнікаў, змяніць свой двор, кветнікі ля дома, пад'езд. Рэспубліканскі суботнік запланаваны на 12 красавіка.

Нягледзячы на сакавіцкі снег, жыллёва-камунальная гаспадарка Мінска планаў не змяняе, праца вядзецца па ўсім горадзе. У Першамайскім раёне спецыялісты прыводзяць у парадак насаджэнні. Тут на стрыжку крон пасля зімы "запісалася" амаль 3 тыс. дрэў. У найбліжэйшы час тэхніка будзе працаваць на вуліцы Сядых.

Усяго ў сталіцы крону абновяць  клёнам, ліпам і бярозам (каля 20 тыс.). У планах у спецыялістаў таксама прыбраць леташнюю траву, лісце і галінкі. Асаблівую ўвагу нададуць добраўпарадкаванню двароў - заменяць 2 тыс. дзіцячага абсталявання (горак, арэляў і пясочніц) на гульнявых пляцоўках. У прыярытэце тэрыторыі каля дамоў пасля капітальнага рамонту.

Да канца сакавіка - пачатку красавіка вуліцы і праспекты Мінска пачнуць упрыгожваць кветкамі (высадзяць каля 1 млн раслін розных колераў і адценняў, у тым ліку 50 тыс. руж).