Японскі сад, магноліі і гіяцынты. Батанічны сад стаў сапраўднай прыроднай сенсацыяй Мінска

Цэнтральны батанічны сад НАН Беларусі гэтай вясной стаў сапраўднай прыроднай сенсацыяй сталіцы. Пакуль горад толькі прачынаўся ад зімовай дрымоты, яго алеі ўжо танулі ў кветках сакуры, магнолій і гіяцынтаў.

Аматары прыроды спяшаюцца па натхненне, кадры і супакаенне. Да новага сезона Батанічны сад адкрыў і новую лакацыю - японскі сад, створаны паводле ўсіх канонаў Усходу: з камянямі, вадой, іглічнымі раслінамі і бансай.

Таксама з навінак - выстава вялікай калекцыі нарцысаў, убачыць якую можна па 4 мая. Нагадаем, Цэнтральны батанічны сад адкрыты для наведвальнікаў з аўторка па нядзелю з 10:00 да 20:00.