З'явяцца сакуры і ясені - вясной у Мінску высадзяць 20 тыс. дрэў і 50 тыс. кустоў

Вясной Мінск пазелянее на 20 тыс. дрэў і 50 тыс. кустоў. Асаблівую ўвагу нададуць тэрыторыям каля Мінскай кальцавой аўтадарогі і транспартных развязак.

Уздоўж вуліц высадзяць ясені, елкі і сосны. А для азелянення паркаў падабралі квітнеючыя віды - сакуру і яблыню. Новыя падыходы будуць і да кветкавага афармлення горада. Акцэнт зроблены на ружы. У параўнанні з 2024 годам іх колькасць вырасце ў некалькі разоў.

Адзначым, што летась беларускую сталіцу ўпрыгожвалі амаль 10 млн раслін. А гэта палова ўсіх кветак, высаджаных у Беларусі.